حق ازل مئیخانهسیندن وئردی بو جامی منه،
کاینات اهلی تعجب قیلدیلار قامو منه.
بیلمز ایدیم خطتی-روخصارین صیفاتین سؤیلهمک،
فیتنه چشمین قمزهسی اؤیرتدی ایلهامی منه.
صبرو آرامیم گئدیبدیر گؤرمزم عینیمده خواب،
فیرقتین بیر ائیلهمیشدیر صوبح ایله شامی منه.
چوخ جفا حاصیل اولان سندن منه، ائی بی وفا،
عاقیبت ائیلر خیالین رسمی-بدنامی منه.
کؤینهییندن چیخ، دئدیم شول سرو گول خندانیما،
ذرّهجه قایینمادی گؤستردی اندامی منه.
ائی خطای، زولفینین زنجیرینه قئید ائتمه دیل،
دانهدیر خالی اونون هم زولفیدیر دامی منه
خاکی-پایین سورمهدیر، عینیمه عنام ائت منه،
گر قبول اولماز مورادیم سندن ائلام ائت منه.
دردیمین درمانی روخصارینی گؤرمکدیر سنین،
تشنهیم بالله، دوداغین شربتین جام ائت منه.
چون کؤنول خالین اوجوندان دوشدو زولفین قئیدینه،
بیگوناه اؤلدورمگیل هر لحظه آرام ائت منه.
ایستهمن ظاهرده فاش اولماق آنینچون گؤزلهرم،
مئهری-عشقین رازینی، ائی یار، ایلهام ائت منه.
بو خطایدن گؤتورگیل مؤحنتی-هیجرانینی،
ائی پری رو، تانریچون، آنجاق ایام ائت منه.
درباره این سایت